باختصار: تقدر تستخدم خرجنا كاملاً بدون حساب، وما نبيع ولا نشارك بياناتك. هذي التفاصيل:
اللي يبقى على جهازك فقط
- المحفوظات (القلب) واختيارك للوضع الفاتح أو الداكن تنحفظ في متصفحك أنت، وما توصلنا.
- «قريب مني»: لما تضغطه يطلب المتصفح إذنك بالموقع، ونستخدمه لحظتها لترتيب الأماكن حسب القرب فقط. ما نطلب الموقع تلقائياً، وما نخزنه.
اللي نعدّه بدون ما نعرف هويتك
نحسب عدد الضغطات على أزرار الأماكن (اتصال، واتساب، الاتجاهات، المشاركة) عشان نعطي أصحاب الأماكن تقارير عامة. نميّز الزائر برمز مشفّر يتغير كل يوم، وما نخزن عنوان IP ولا أي معلومة تعرّف بك.
اللي ترسله لنا بنفسك
- نموذج التواصل (العروض والحملات): الاسم ورقم الجوال وبيانات النشاط — للتواصل معك بخصوص طلبك فقط.
- بلاغ عن معلومة خاطئة: نص البلاغ — لتصحيح المعلومة.
- حساب الشريك: الاسم ورقم الجوال والبريد وكلمة المرور (مشفّرة) — لدخول لوحتك وإرسال تحديثات طلباتك وتذاكرك على بريدك.
- إثبات ملكية النشاط: رقم السجل التجاري وصورته وأي مستند إضافي ترفعه (رخصة بلدي، العنوان الوطني، تفويض…) — نستخدمها فقط للتحقق من صلتك بالنشاط. تُحفظ في مكان خاص لا يُتاح على الإنترنت، ولا يطّلع عليها إلا أنت والمسؤول المختص في فريق خرجنا، ونحتفظ بها ما دام حسابك مرتبطًا بالنشاط كسجلٍّ لإثبات الملكية.
- تذاكر الدعم: نص رسائلك ومرفقاتها — لخدمتك فقط، وبنفس الحماية.
ملفات تعريف الارتباط (الكوكيز)
نستخدم فقط الكوكيز اللازمة لتشغيل الموقع وحمايته (جلسة التصفح وحماية النماذج). ما نستخدم كوكيز إعلانية ولا أدوات تتبع من جهات خارجية.
روابط لجهات أخرى
أزرار مثل الاتجاهات (خرائط قوقل) والواتساب ومواقع المتاجر تفتح خدمات تلك الجهات، وتنطبق عليها سياسات خصوصيتها.
حقوقك
تقدر تطلب نسخة من بياناتك اللي أرسلتها لنا أو حذفها في أي وقت عن طريق تواصل معنا. نلتزم بنظام حماية البيانات الشخصية في المملكة العربية السعودية.